O Papa Francisco celebrou este Xoves Santo a Misa crismal, coa que comeza o chamado Triduo Pascual. Desta volta, celebrouse nun formato reducido, cunhas 300 persoas no ábside central da basílica de San Pedro.

O Papa bendeciu os óleos que serán utilizados durante o ano nos sacramentos, e os sacerdotes renovaron os seus votos. Na homilía, o Pontífice pediulles que prediquen "sen medo a controversias moralistas".