O Papa recibiu en audiencia o presidente de Iraq, Barham Saleh, con quen falou dos diferentes conflitos e as "graves" crises humanitarias que se viven nesa rexión do Oriente Medio. Tras a reunión, apuntaron á necesidade de "alentar a vía do diálogo e a busca de solucións adecuadas en favor dos cidadáns e no respecto da soberanía nacional". Destacaron "a importancia de preservar a presenza histórica dos cristiáns no país", coa necesidade de garantirlles "seguridade e un lugar" no futuro de Iraq.