O número de persoas que empregaron o transporte público foi de 276 millóns en marzo pasado, cun aumento do 31,6 % sobre o mesmo mes do 2020, segundo os datos que este mércores publicou o Instituto Nacional de Estatística. Estes datos son os primeiros que comparan con outro mes xa en pandemia.

O transporte urbano foi utilizado por 169 millóns de viaxeiros en marzo. En autobús, todas as comunidades presentaron taxas anuais positivas. O transporte interurbano usárono 72,8 millóns de viaxeiros. O avión e o barco continúan en descenso.