A música en galego chega este venres ao festival Go!Go!Zo! Xacobeo 21-22.  E faino da man de Saya DJ e da artista Mounqup. Francesa de nacemento e galega de adopción, a súa música caracterízase por mesturar o jazz, o folk e os ritmos electrónicos.

O concerto será ás dez e media da noite. As entradas son de balde, pero os interesados en asistir deben reservalas antes na web do festival. O Go!Go!Zo! é un festival que busca a posta en valor das bandas e artistas de Galicia.