Xaneiro xa quedou aló, pero tardaremos en esquecer imaxes coma estas... Tardaremos en esquecer, por moi afeitos que esteamos en Galicia ás borrascas, que despois de Filomena, chegaron Gaetan, Hortense e Ignacio. Todas seguidas. Algo parecía estar pasando.

Pasaba, sabémolo agora, que practicamente en todo o estado estabamos ante un "mes de extremos", polo gran contraste térmico entre as altas e as baixas temperaturas. Precísanolo a Axencia Estatal de Meteoroloxía. No seu balance do mes de xaneiro recolle que a primera quincena foi a máis fría desde o ano 1985, a segunda deixou porén valores moi por riba dos habituais para esta época do ano.

Lembramos especialmente a primeira, cunha vaga de frío a principio de mes e con Filomena e a súa nevarada histórica en Madrid os días 8 e 9 de xaneiro. Cando marchou unha segunda vaga fixo descender os termómetros a temperaturas de récord: máis de 20 graos negativos en zonas de Teruel ou Guadalaxara.

Tivemos de todo, cando subiron as temperaturas chegaron as precipitacións. Di a AEMET que xaneiro foi un mes moi húmido, cun 19 % máis sobre a media de España para este mes. En zonas como Andalucía ou Caslela-A Mancha choveu un 50 % máis do habitual.

A nós a chuvia non nos colleu de sorpresa, si o contraste térmico. Unha excepcionalidade máis en tempos excepcionais.