Xa atracou en Vigo o megaiate Azzam, propiedade do presidente dos Emiratos Árabes Unidos. Está na estación marítima para ser reparado, xa que as súas dimensións impiden facer os traballos no estaleiro Freire.

Prevese que permaneza algo máis de tres meses en Vigo para someterse a esa reparación que levarán a cabo os operarios de Freire. Farano na estación marítima e non nas plataformas do estaleiro, en Bouzas, polas dimensións do propio barco: ten 181 metros de eslora, 22 de manga e máis de 4 de calado.

É o iate de lecer máis grande do mundo e pertence ao presidente dos Emiratos Árabes Unidos. Está valorado en máis de 515 millóns de euros. Ten un interior de luxo, o seu salón principal ten 180 metros de longo por 21 de ancho.