A influencia dos temporais tamén se está a notar no prezo do peixe e o marisco nos mercados. Aínda así, a xente non pensa renunciar a eles de cara á Noitevella e, xunto coas uvas, eran o produto máis demadado hoxe na praza. 

Gran afluencia de xente esta mañá no mercado de abastos de Santiago, moitos deles mercando de cara á cea de Noitevella. Os protagonistas, coma sempre, as uvas para as badaladas e o rei das mesas nestas datas, o marisco, donde os praceiros nos comentaron que á tradicional suba de prezos que se acostuma a producir neste tempo hai que sumarlle a carestía de produto debido aos temporais que impediron saír pescar.

Onde non hai escaseza é na uva de mesa para despedir o ano, cuns prezos que van desde os dous euros e medio aos cinco euros para os que xa as queren sen pebidas. A demanda tamén é estable, xa que xuntos ou por seperado a xente quere seguir comendo as uvas.

Onde se está a notar máis a suba de prezos é no peixe e o marisco. Unha suba de prezos que de todos os xeitos non está a arredar os compradores de cara á cea de Noitevella. Disque somos menos previsores nas compras para fin de ano, así que agardan un xoves de moitas vendas.