Na LEB Ouro, o Leyma xa é equipo de playoff. O conxunto coruñés gañou a súa presenza na fase de ascenso cun convincente triunfo na pista do Palma, a súa cuarta vitoria consecutiva. O Leyma marcou xa diferenzas no primeiro cuarto co acerto exterior de Matulionis. O aleiro lituano anotou 4 triplas e 17 puntos en total. A estrela do Palma, Ronnie Harrell, foi ben defendida e rematou o partido cun pésimo 3 de 20 en tiros de campo. Agora, o equipo coruñés loitará polo factor cancha nas últimas tres xornadas de liga regular.