CRTVG

Buscar

O investimento en Galicia cae un 19 % respecto aos presupostos do ano pasado

Publicado o 15/01/2019 08:51

Galicia é unha das seis comunidades autónomas que perde nas contas que presenta o Goberno. En concreto, o proxecto de presupostos contempla un investimento na nosa comunidade para 2019 de 757 millóns de euros. É un 19 % menos que o que recibiu o ano pasado.

Estes fondos representan pouco máis do 6 % do total das comunidades, cando nas contas do ano pasado supoñía o 9 %, baixando así tres puntos. Descende un posto na repartición e, con estas contas, situaríase de sexta en investimentos.

Pero ademais de Galicia, hai outras comunidades que tamén perden fondos, son o País Vasco, Cantabria, A Rioxa, Estremadura e Ceuta.

Pola contra, hai comunidades onde o investimento sobe considerablemente. No caso de Navarra, case se duplica con respecto ao ano pasado. Andalucía e Cataluña son as que máis fondos recibirían, superando os dous mil millóns de euros en cada caso.

Noticias web

15/01/2019