O home detido por, supostamente, asasinar a súa muller e a súa filla de 3 anos na localidade barcelonesa de Esplugues de Llobregat pasou esta mañá a disposición xudicial.

Foi trasladado polos Mossos d'Esquadra desde o hospital, onde se recupera das feridas que se autoinflixiu, ata a sede dos xulgados.

O home de 27 anos, xa recoñeceu en comisaría a autoría do dobre crime. A muller, de 28 anos, e a pequena, de 3, morreron acoiteladas.

A parella estaba en proceso de separación e a muller buscaba un piso ao que transladarse coa súa filla.