O gromo rexistrado tras un bautizo no concello Ourensán de Vilamarín deixa, polo momento, 7 contaxiados. Trátase dun positivo máis ca na xornada anterior.

Como medida preventiva, Sanidade mantén restrinxidas as visitas, así como as entradas e saídas na residencia Santiago Apóstolo desa localidade.

No Barco de Valdeorras mantense estable outro foco, con catro afectados.

En Ourense, unha persoa foi detida tras cuspirlle a unha camareira e negarse a poñer a mácara e a ser identificada pola policía.