A secuenciación dos casos positivos, como o realizado aos tripulantes infectados deste barco, é fundamental para detectar a presenza das novas variantes e frear a súa transmisión.

No caso desta nova variante india, estase estudando o seu comportamento fronte ás vacinas e, segundo nos contan, hai indicios para ser optimistas.

Esta nova cepa xa está presente en 21 países. Con todo, non está claro que sexa máis contaxiosa.

Este domingo confirmouse outra infección por coronavirus en España con esta variante india. Foi en Estremadura. O contaxiado chegou de Madrid tras participar nun máster internacional onde tivo contacto cunha persoa deste país asiático.