O intento de desestabilización denunciado en Xordania provocou unha onda de apoio internacional ao rei Abdalá II, ao que xa lle transmitiron o seu apoio a Unión Europea e os Estados Unidos.

O Goberno xordano acusou o exherdeiro e medio irmán do actual monarca, o príncipe Hamza, de conspirar cun país estranxeiro para derrocar a Abdalá II.

Hamza permanece en arresto domiciliario e outras 20 persoas foron detidas polas forzas de seguridade xordanas, entre eles dous exembaixadores en Arabia Saudita.