O Goberno dá un paso adiante e preséntase como parte interesada na causa aberta na Audiencia Nacional pola venda de Alcoa Coruña. É a segunda vez que o Ministerio de Industria se presenta nun proceso relacionado con Alcoa. A outra vez foi en contra do ere da planta de San Cibrao. Agora faino polo acordo de compravenda das factorías da Coruña e de Avilés.

Os intereses de Industria céntranse nas axudas públicas concedidas por compensación de custos de emisións indirectas de CO2. A Audiencia Nacional investiga a Parter e o Grupo Industrial Riesgo, entre outros delitos, por branqueo de capitais, insolvencia punible e estafa agravada.