O Goberno francés nega terlle mostrado apoio a Ciudadanos por alcanzar o poder en varias comunidades autónomas e concellos valéndose dos votos de Vox.  Á súa chegada á xuntanza co grupo liberal en Bruxelas, Albert Rivera aseguraba que lonxe de críticas, recibira felicitacións dos seus socios europeos, en particular de Emmanuel Macron. Pola contra, fontes do Elíseo negan que o xefe do executivo francés se pronunciase neses termos nin en público nin en privado.