A ministra de Transportes, Raquel Sánchez, confirmou este martes que o Goberno estuda a mellor opción para o pagamento por circular polas autovías e que entraría en vigor como moi tarde en 2024.

Di a ministra que queren consensualo con todos os sectores implicados. "Someterémolo ao debate, á análise, á reflexión, co conxunto de axentes sociais, económicos, e o sector do transporte, como non pode ser doutra maneira, para implantar un sistema que se está analizando cal sería a mellor opción", dixo Raquel Sánchez.