En Cataluña está previsto que empece hoxe a vacinación de axentes da Policía Nacional e da Garda Civil, despois da acción da xustiza.

A vacina para eles chega semanas despois de que inmunizasen os membros da policía autonómica, os Mossos d´Esquadra, e porque o Tribunal Superior de Xustiza de Cataluña ordenou que tamén deben inmunizar os efectivos policiais dependentes do Ministerio do Interior destinados nesa comunidade autónoma.

Segundo a orde, a 22 de abril estaban vacinados máis do 80 por cento dos mossos e máis do 70 por cento dos policías locais cataláns, mentres que os gardas civís e policías nacionais que traballan en Cataluña non chegaban ao 10 por cento dos 7.000 efectivos que suman.