O goberno da cidade de Bos Aires recoñeceu de interese turístico e cultural o Camiño Arxentino de Santiago de Compostela, un percorrido de pouco máis de 26 quilómetros que pasa polos principais puntos da capital arxentina e que servirá para obter a tan cobizada compostelá. Con esta iniciativa as autoridades agardan que cada vez máis peregrinos se animen a facer este percorrido

Cecilia Ferreiro, deputada de Bos Aires, asegurou que seguramente lle dea maior visibilidade ao Camiño na cidade de Bos Aires e, así, sumar recoñecementos e peregrinos.

A Asociación de Amigos do Camiño foi unha das principais impulsoras desta iniciativa, que permite realizar os quilómetros de forma individual e logo contabilizalos para obter a compostela. Este camiño esta moi vinculado á comunidade galega no país, aínda que as autoridades agardan que calquera arxentino poida facelo e gozar dos seus encantos.