Debería botar a andar antes dun ano. Trátase dun sistema pensado para incentivar o aforro e complementar a xubilación, dirixido fundamentalmente aos que non teñen acceso a plans de pensións privados, coas ventaxas que disfrutan os empregados das grandes empresas. Por exemplo, poderán acollerse a este programa os autónomos, os empregados de pemes e os traballadores do sector público.

Este fondo de pensións será de titularidade pública, aínda que de xestión privada, pero supervisado polo Ministerio de Seguridade Social.

Está previsto que se habiliten mecanismos legais para que os traballadores poidan migrar os seus plans individuais a un colectivo que lles ofreza a súa compañía, dentro deste fondo público, así como plans xa existentes de empresas que prefiran este sistema estatal.

Trátase, en definitiva, de seguir as liñas marcadas polo Pacto de Toledo, no sentido de estimular o aforro privado para complementar as pensións públicas.