O Goberno español e o executivo vasco asinaron este mediodía a transferencia dos cárceres a Euskadi.

O ministro de Política Territorial e o vicelehendakari formalizaron o acordo polo que, a partir do 1 de outubro, o Goberno vasco pasará a xestionar as tres prisións da comunidade. Nelas hai case mil reclusos, dos que unha trintena son presos da ETA. Tamén se transfire ao executivo autonómico o persoal de prisións, máis de 600 funcionarios.

Euskadi súmase así a Cataluña, que xa exerce esta competencia. Miquel Iceta dixo que o traspaso cumpre coa Constitución e o Estatuto de Gernika.