O Consello de Ministros aprobará este martes un novo tramo de 20.000 millóns de euros da liña de  avais do ICO para garantir a liquidez de empresas e autónomos. En conferencia de prensa telemática desde Moncloa, o presidente  do  Executivo, Pedro Sánchez,  salientou esta fin de semana que  máis  do 90% das liñas de avais anteriores que foron aprobadas  dirixíronse a  pemes e autónomos.

María Jesús Montero, ministra de Facenda,  indicou o pasado domingo que polo menos o 50% do  novo tramo irá destinado  tamén a  pemes e autónomos. Esta nova liña de avais do ICO, por importe de 20.000 millóns, é a cuarta que aproba o Goberno, co que se eleva a 84.500 millóns o importe conxunto sobre o total de 100.000 millóns que aprobou o Goberno.