España acabou os Xogos Paralímpicos con 36 medallas grazas ao bronce acadado na modalidade de carabina tendida 50 metros R6 polo pontevedrés Juan Saavedra. 

Saavedra foi o primeiro deportista que conseguiu a súa clasificación paralímpica e era un dos favoritos nos seus quintos xogos. En Londres xa conseguira a medalla de prata e no Xapón volveu bicar a gloria cun bronce. 

Deste xeito resárcese do cuarto posto na distancia de dez metros, onde quedara cuarto, a só dúas décimas das medallas. Na clasificación, aquela que se lle resistira no Río 2016, foi o terceiro dos 48 participantes e meteuse entre os oito mellores. 

Na tirada final foi superado pola eslovaca Veronika Vadovicova e a sueca Anna Normann e mellorou en cinco décimas o rexistro do francés Cédric Fèbvre.