CRTVG

Buscar

O Frigoríficos denuncia unha "adulteración" da liga Asobal

Publicado o 28/05/2021 21:42
O Frigoríficos denuncia unha "adulteración" da liga Asobal

@balonmancangas

EFE

O Frigoríficos do Morrazo expresou este venres a súa indignación ante a "adulteración" da competición por parte do Comité de Competición da Federación Española de permitir que os partidos aprazados por mor da covid-19 se disputen unha vez finalizada a liga Sacyr ASOBAL.

Neste sentido, a directiva do club galego critica a "actitude pasiva" de ASOBAL sobre o feito de que se vaian a celebrar partidos aprazados despois de terminada a última xornada, e que a  asociación non se pronunciou sobre o que cualifica de "flagrante vulneración" das normas de competición establecidas.

O pasado 14 de maio, o presidente dos Frigoríficos, Alberto González, enviou unha primeira carta á ASOBAL mostrando o seu malestar, e este venres o club cangués denunciou no seu comunicado que de momento non tivo "ningunha resposta", polo que esixe "unha solución rápida". "Todos os clubs somos iguais", esgrime.

Por iso, esixe que se poña "en coñecemento" da comisión delegada da ASOBAL esta situación para que se pronuncie "dunha vez" sobre cal é a súa postura ante a devandita circunstancia, xa que considera que se lle está facendo un desprezo" como club membro de pleno dereito da asociación.
"Se se pretende que a nosa asociación se considere unha competición importante e prestixiosa, estamos a facerlle un fraco favor permitindo que varios clubs xoguen os seus partidos sabendo cal é o resultado que lles pode interesar a cada un", lamenta os Frigoríficos na segunda carta emitida á ASOBAL. 

 

Noticias web

28/05/2021

Máis sobre Deportes

Valladolid 2-0 Alcorcón
27/09/2021 20:41
Oviedo 0-0 Xirona
27/09/2021 20:40
Spórting 2-1 Málaga
27/09/2021 20:38
Mirandés 1-2 Leganés
27/09/2021 20:35