O exmarido de Juana Rivas, a muller condenada por secuestrar os seus fillos, non desbota presentar unha querela por inxurias e calumnias contra Irene Montero e Íñigo Errejón.

Francesco Arcuri demandará a ministra de Igualdade e o deputado de Mas Madrid se non se retractan das afirmacións en que o vinculaban co maltrato ou a violencia vicaria. Di que obviaron a condena que recaeu sobre Juana Rivas por secuestrar os menores e o feito de que os xuíces italianos lle deran a el a custodia completa por considerar que a muller era un perigo para os cativos.

Arcuri pedirá 140.000 euros por danos e prexuizos e adianta que os destinará a asociacións de nenos desaparecidos.