A Audiencia Provincial de Madrid condenou o ex-alcalde do Grove Alfredo Bea Gondar a pagar 16.480 euros en concepto de indemnización á editorial Libros de K.O. e ao xornalista Nacho Carretero polos prexuízos ocasionados polo secuestro cautelar do libro 'Fariña".  A Audiencia resolve a solicitude de danos e prexuízos que Libros de K.O e Carretero fixeron polas perdas ocasionadas polo secuestro, demanda que foi rexeitada inicialmente por un xulgado de primeira instancia.

Tras o recurso dos demandantes, a Audiencia Provincial decidiu condenar a Alfredo Bea Gondar ao pago de 3.437,96 euros a Nacho Carretero e de 13.042,21 máis á editorial polos exemplares que non se puideron vender durante os tres meses e medio que durou o secuestro, tendo en conta que entre medias transcorreron as feiras do libro de Madrid e Barcelona