Se vostede selou catro boletos de dous euros e medio para o sorteo do Euromillón do martes en Mos, saiba que un deses boletos vale un millón de euros.

Os boletos seláronse nunha cafetería-panadería que ten punto de venda de loterías e que está situada a escasos metros do aeroporto de Peinador.

Foron moitas as persoas que se achegaron á cafetería para saber se son os afortunados, pero do gañador non se sabe nada. 

Os propietarios amosan a súa ledicia por entregar este premio, que é o máis importante que deron.