Concertos, obradoiros, maxia, baloncesto... este ano o entroido de verán chegou a Redondela cargado de propostas infantís. Familias enteiras poideron gozar na Alameda e na Xunqueira dos espectáculos programados para o público máis novo ata ben entrada a tardiña.

A partir de agora chega a programación adulta con concertos e animación nas principais rúas e prazas do centro da vila. Será o fin de festa dunha das citas máis agardadas do verán en Redondela na que participa xente de todas as idades e con moitas ganas de pasalo ben.