Na historia do Ensino, dous anos están marcados con letras de ouro: os subcampionatos do equipo na Copa da Raíña en 1998 e no 2002. Por iso, meterse entre os oitos que van xogar a competición en Salamanca do 5 ao 8 de marzo era tan importante en Lugo.

Aínda sen rival para a competición copeira, o técnico do Ensino fai a aposta á maior e tira por elevación: quere as anfitrioas de entre os catro equipos cabeza de serie: Valencia, Gernika, Perfumerías Avenida e Xirona.

A vitoria sobre o Perfumerias Avenida foi o grande éxito da primeira volta na Liga Feminina para as luguesas, que agardan arrancar o segundo asalto do campionato sen verse mancadas polo esforzo copeiro.

O Ensino pecha o 2019 xogando este sábado contra o Cadi La Seu, na cancha da Seu d'Urgell.