O IPC medrou un 2,7 por cento con respecto ao ano pasado por mor do encarecemento do prezo da enerxía que medrou case un 12 por cento, a maior suba en dúas décadas.

Polo de agora, o incremento no custo da electricidade ou dos combustibles non repercutiu no prezo dos alimentos ou nos servizos de restauración, porque as empresas están a asumir ese gasto para incentivar o consumo.

Porén, esta inflación afecta gravemente a economía familiar. Ademais, a suba do IPC afecta o prezo dos alugueiros, que xa medrou máis dun 34 por cento nos últimos anos debido á crecente demanda.