A Seguridade Social contabilizou 31.638 afiliados máis en novembro, o que situou a cifra de ocupados por riba dos 19 millóns de persoas por primeira vez desde que comezou a pandemia de coronavirus. Foi a maior suba media de afiliados nun mes de novembro desde 2006.

Con todo, o paro continúa á alza. En novembro sumáronse 25.269 parados máis, o cal sitúa a cifra de desempregados en 3.851.312 persoas. É a maior suba desde 2012, aínda que está por debaixo da media para este mes.

O mercado laboral segue reflectindo o impacto da pandemia, con 354.877 traballadores afiliados menos que hai un ano e 653.128 parados máis.

6.165 parados máis en Galicia

En Galcia, o desemprego subiu en 6.165 persoas en novembro respecto do mes anterior, un 3,4 % de incremento fronte ao 0.66 % da repunta en España. O número total de parados na comunidade autónoma é de 187.472. Son 21.813 máis que hai un ano, un 13,17% máis.