Malestar en Porto do Son ante o feito de que o pesqueiro Divina del Mar continúe encallado no castro de Baroña catro días despois do naufraxio. As fortes ondas e a forza do mar, aseguran, están deteriorando o barco ata o punto de que farán inviable reflotalo.

O ex-patrón maior de Portosín e irmán do patrón do cerqueiro, considera que Salvamento debeu reflotalo o mesmo día, cando o mar aínda estaba calmo.

O Divina del Mar afundiuse na madrugada deste martes con nove mariñeiros a bordo. Un deles faleceu. Salvamento Marítimo descartara daquela reflotalo debido ao forte temporal. Contan con desmantelalo nos próximos días.