Hoxe soubemos que na próxima xornada haberá o cen por cento de acollida nos estadios de fútbol e o 80 por cento nos pavillóns, pero nin o Deportivo nin o Celta B poderán acollerse a medida e o motivo non é outro que, en Galicia, esa medida entra en vigor a partir do sábado, e eles xogan o venres. Así que, nin Riazor, nin tampouco Balaídos, que é o campo no que vai xogar o filial do Celta, poderán encherse para estes partidos. Terán que agardar a seguinte xornada.