O Tribunal Constitucional admitiu a trámite os recursos do PP e Ciudadanos contra varias fórmulas de xuramento empregadas na pasada lexislatura no Congreso e no Senado. Os dous partidos pediron que se revisasen os modelos de acatamento empregados por representantes de partidos como ERC ou Junts per Catalunya; en que facían referencia á república catalá ou aos presos políticos. Con este precedente, é previsible que suceda o mesmo cos outros tres recursos presentados polo PP e Vox contra xuramentos da presente lexislatura. Neste caso, de seren admitidos, poderían ter consecuencias inmediatas.