Este martes, o Consello de Ministros tiña previsto aprobar o decreto sobre os desafiuzamentos. Non foi así. Os desencontros entre os ministerios de Podemos e PSOE, e os aspectos xurídicos sobre a prohibición dos desaloxos están atrasando a súa aprobación, que anunciara Iglesias para estas datas.

O Goberno agarda poder aprobalo a semana que vén. O que si fixeron hoxe foi ampliar as axudas ao alugueiro ata finais de 2022. A mocidade poderá pedir estas subvencións aínda que vivan en concellos de menos de 5.000 habitantes.