O Congreso insta o Goberno a adoptar de inmediato un calendario para a intervención pública temporal de Alcoa e Alu Ibérica. A proposición non de lei do BNG foi aprobada co apoio de PP e Unidas Podemos, entre outros grupos. O PSOE abstívose.

Néstor Rego solicitou a intervención, a través da SEPI, de Alcoa San Cibrao para garantir a continuidade da planta. O mesmo pediu para as factorías de Alu Ibérica na Coruña e en Avilés, tendo en conta, dixo o deputado nacionalista, a intervención xudicial decretada nas dúas factorías.