O Congreso dos Deputados debaterá a prórroga do estado de alarma nun pleno convocado para o vindeiro mércores 25 de marzo, informaron a Efe fontes parlamentarias.

Así o aprobou a Xunta de Portavoces da Cámara, reunida este mércores tras o pleno da comparecencia do presidente, Pedro Sánchez, para explicar as medidas do Goberno destinadas a facer fronte á expansión do coronavirus, entre elas o estado de alarma.

Está previsto que, como o pleno deste mércores, ao do día 25 acudan obrigatoriamente os deputados que vaian intervir e que a votación posterior se faga de forma telemática, debido ás medidas sanitarias que hai que adoptar para evitar contaxios.