O confinamento e as súas consecuencias déixanse ver agora nos animais. O malestar do animal pode manifestarse de moitas maneiras, dende ladridos a desfacer cousas na casa. É a súa forma de expresar o que están a sufrir despois de vivir un confinamento e de estar 24 horas ao día cos donos.

Para os donos, unha mensaxe de tranquilidade: poden corrixirse eses problemas de comportamento. O malo é que os centros especializados, coma este de Vigo, teñen lista de espera ata decembro.

O traballo para estes especialistas multiplícase por eses trastornos, pero tamén porque coa pandemia aumentou o número de cans nos fogares galegos.