A xunta de seguridade do Concello de Lugo mantivo un encontro para abordar as necesidades do Arde Lucus. A cidade acollerá miles de persoas e cómpre reforzar os medios. Ante a merma de efectivos na Policía Local o concello di que prima á seguridade cidadá e convócaos por decreto.

Os axentes din que van superar as horas que marca o regulamento e que hai compañeiros que aínda teñen situacións semellantes sen cobrar.

Anuncian que recorrerán estes decretos, dado que sinalan que se trata dun evento programado e non dunha situación de urxencia que non se podía prever.