E sobre o futuro de Alcoa, continúan as conversas tras o preacordo e a creación da comisión de seguimento. Esta mañá será o conselleiro de Economía, Emprego e Industria, Francisco Conde, o que se reunirá co comité de empresa de Alcoa Coruña. Os traballadores trasladaron ata o luns a súa votación para facela coincidir coa de Avilés. Pero o conflito chega agora ata San Cibrao, o comité rexeita recolocar na planta luguesa parte do cadro de persoal das outras dúas factorías, tal e como propón a dirección da multinacional.