Foi no 86 cando botou a andar o colexio do lugar de Moreda, en Vilalba. O número de alumnos diminuíu co paso do tempo e a comunidade educativa teme polo futuro deste colexio, por iso, para revitalizalo, puxeron en marcha unha colorida e divertida iniciativa que busca atraer novas matriculacións.

O despoboamento do rural e a baixa natalidade nótanse e moito neste colexio rural.

Os alumnos tanto de infantil coma de primaria participan de cheo en todas as actividades.

Aquí son máis que compañeiros e amigos, forman unha gran familia que fai deste centro un colexio de conto.