21 de agosto de 2016. O Chicle aparca o seu coche na Pobra. Reconstrúese a súa versión do que ocorreu a noite en que desapareceu Diana. O presunto intento de roubo de gasóleo nunha furgoneta. O momento en que, de madrugada, ve a Diana usando o móbil na rúa. O presunto forcexo que segundo el acabou coa morte accidental da moza. O traslado do corpo no asento de atrás do Alfa Romeo. O percorrido entre A Pobra e o seu destino final, Asados. A chegada á infame nave na que a deixaría abandonada. Incluso recreou o momento no que lastraba o cadáver con dous bloques para afundila no pozo do que non sairía ata case dous anos despois.

Nese momento xa se atopara o cadáver da moza. O Chicle está detido. Pero está relaxado e explica entre risas como matou a Diana. Abuín bromea como se estivese nunha reunión de amigos. As imaxes proxectáronse esta mañá no xuízo. Segundos despois, vemos ao Chicle na nave de Asados explicando como fondeou o cadáver de Diana no Pozo.  Nese momento, o pai de Diana Quer estoupa de rabia e berra na sala.