Que os defuntos sexan lembrados no idioma que falaron na súa vida. Con esa premisa, os vinte nichos da igrexa de San Facundo, en Paradela, fan que o seu cemiterio sexa o único de Galicia con todas as lápidas en galego. Os veciños aproveitaron unha obra de reforma para traducir a lembranza dos seus familiares e aplicárono ás tumbas máis antigas, que datan dos anos 50. A Xunta de Galicia e colectivos en defensa da lingua quixeron premiar a particularidade deste camposanto.

"Trátase dun lugar emblemático por moitas cousas. Pero hoxe queremos destacalo por ser o único que ten as lápidas en galego e que sirva de modelo para Galicia enteira".

"Estou seguro que nos verá moita xente pola TVG e que tomarán conciencia da importancia de restaurar a memoria lingüística dos seus defuntos".

As familias dos defuntos, as empresas funerarias e os membros da Igrexa xogan un papel decisivo para que o exemplo do cemiterio de San Facundo se espalle por Galicia.