O Celta xa coñece cal será o seu primeiro rival da temporada. Esta tarde sorteouse o calendario de liga de Primeira e Segunda División.

Os célticos viaxarán a Ipurúa para medirse co Eibar, na primeira xornada, o 13 de setembro. E o Betis será o seu último rival, a semana do 23 de maio.

Os de Òscar García terán un inicio duro, recibirán o Barça na cuarta xornada e o Atlético na sexta. O Real Madrid non xogará en Balaídos ata marzo. Do resto do calendario salientamos os clásicos. O primeiro terá por escenario o Camp Nou, o 25 de outubro. A volta, no Bernabéu, será o 11 de abril.