O Celta xogará no Carlos Tartiere ante o Llanera, de Terceira División. A gran novidade na convocatoria é Emre Mor. Coudet viaxa con todos os titulares. Aínda que o rival sexa de menor entidade, o técnico arxentino non quere relaxacións: "Temos que asumir a responsabilidade ante un rival de menor envergadura. Pero non se pode subestimar e seguramente será un partido duro como todos os de Copa. Non hai que relaxarse en ningún momento".

Viaxan todos os titulares. Coudet non reserva ningún xogador importante nesta primeira eliminatoria de Copa, que ve como outro chanzo na construción do equipo.

"Un partido máis que queremos apreveitar para seguir crecendo no xogo e como equipo", explica o adestrador.

Viaxan todos menos Santi Mina, David Costas e Jorge Sáenz pero albíscanse rotacións no Carlos Tartiere.

"Temos que empezar a ver como manexamos as cargas", apunta Coudet.

A gran novidade da convocatoria é Emre Mor, que recibiu a alta médica despois de semanas con problemas na pube. Podería ter os seus primeiros minutos no Celta de Eduardo Coudet.