Dúas vitorias consecutivas contra o Granada en Balaídos e contra o Athletic Club de Bilbao en San Mamés fan do Celta un rival respectado, pero o Cádiz chega a Vigo coa etiqueta de mataxigantes logo de vencer ao Real Madrid e ao Barcelona. A principal virtude dos andaluces é, segundo Coudet, a súa intelixencia.

Neste Nadal celeste agardan o Cádiz, o Llanera en Copa, o Alavés, o Xetafe e o Huesca. Para Coudet non é un problema. Para os que trocan de obxectivo co barco en popa, o técnico porteño non se confunde nin quere confundir a ninguén.

Mañá saberemos se os de Coudet poden aspirar a algo máis derrotando o equipo de moda na liga.