Os grupos políticos da oposición reaccionaron esta mañá ao plan de desescalada anunciado polo Goberno galego.

Os socialistas apoian as medidas do comité clínico, pero piden que se limiten as entradas á nosa comunidade para a ponte. Gonzalo Caballero fala de blindar Galicia.

"Nós, dende logo, estamos na idea de que haxa un proceso de primar a saúde, sen marcar o confinamento que pediu o BNG no Parlamento galego hai unhas semanas, pero ao mesmo tempo cremos que blindar as entradas na comunidade galega dende outras comunidades é unha medida que parece coherente", salientou Gonzalo Caballero.

Pola contra, o BNG considera precipitado o alivo das restricións.

"Parécenos precipitado iniciar unha desescalada nun momento en que os datos, aínda sendo mellores, o que nos están indicando é que debemos ser prudentes, que debemos extremar as precaucións para non tirar pola borda o esforzo que fixemos durante estas semanas", dixo Ana Pontón.