O Baxi Ferrol sumou a segunda vitoria da temporada, a primeira na casa. Superou na Malata o Al-Qázeres 75-68. As ferrolás abriron un pequeno oco ao final do primeiro cuarto e foron quen de mantelo ata o final. Coleman, 15 puntos, Cheslek con 11 e Van Grinsven con 18 e 10 rebotes foron as máis destacadas. Con este triunfo, seguen de pechacancelas, pero están a un triunfo de Bembibre e Sant Adriá.