O Fútbol Club Barcelona fixo oficial a incorporación de Antoine Griezmann. Esta mañá os avogados do xogador francés entraban na sede da Liga en Madrid para aboar a súa cláusula de 120 millóns de euros.

O Atlético considera esa cantidade insuficiente. Fíxoo constar nun comunicado no que lle esixe ao Barça o pagamento dos 200 millóns correspondentes á cláusula que tiña antes do 1 de xullo. Aseguran que o acordo de Greizmann e o Barça xa se pechara antes desta data.