O aeroporto de Santiago chega a setembro con preto de cen conexións nun só día. Hai previstos cincuenta voos de saída e outros 49 de chegada. Neste verán a terminal tivo os rexistros de máis tráfico dende o comezo da pandemia.

Ter completada a pauta de vacinación facilita viaxar dende España a boa parte dos destinos turísticos, pero hai países que piden máis requisitos e probas.

Con todo, o maior tráfico de viaxeiros está nos voos nacionais nesta xornada, na que moitos comezan vacacións e outros xa volven á casa.