Hoxe Isaac é o encargado de recibir os 23 saúdos agarimosos dos seus compañeiros. Sen necesidade de utilizar a palabra, estes nenos e nenas de segundo de primaria elixen a maneira de expresar as súas emocións.

A iniciativa púxoa en práctica a súa mestra Andrea co obxectivo de organizar as entradas e as saídas na clase. Ao mesmo tempo está fomentando a inclusión e a igualdade. Os protagonistas desta agarimosa historia están encantados e teñen moi claro de que maneira queren mostrar as súas emocións.

Ben sexa cunha aperta, cun choque de mans ou cos puños... dentro desta aula hoxe sobraban as palabras. A través das súas emocións e dos seus xestos lograron transmitirnos que diversidade e igualdade poden reinar nun mesmo lugar.